Turismo e servizos

É a orixinal casa de baños Dávila de 1780 e atópase no centro de Caldas de Reis. É un dos balnearios de Caldas de Reis e na actualidade funciona como hotel e como centro de tratamentos hidrotermais e de benestar.

O Balneario Dávila conta cun fermosísimo canaveiral con canas de bambú, único no seu xénero.

Atópase ao outro lado do río Umia e é un edificio de arquitectura galega de principios do século XX.

Fundado polo sacerdote Pedro Acuña e Malvar a principios do século XIX, foi declarado de utilidade pública en 1813 polas propiedades mineiro-medicinais das súas augas.

Ademais de hotel, o Balneario Acuña de Caldas de Reis ofrece diferentes circuitos e tratamentos. Conta cunha pisicina exterior de auga termal e está rodeado de xardíns e terraza.

Declarado Ben de Interese Cultural (BIC), é un dos espazos verdes máis singulares de Galicia.

O Xardín Botánico e a Carballeira de Caldas de Reis conta con especies de todos os continentes e camelias centenarias.

É un dos espazos máis desenvoltos ao longo da historia: dende a súa tradición de espazo de recreo termal ás experiencias asociadas ao Festival Cultura Quente e máis tarde ao PortAmérica, unindo natureza e diversidade cultural. Na actualidade é o epicentro das actividades da Feira Tradicional de Caldas que congrega cada ano en agosto a centos de visitantes.

Un dos principais recursos patrimoniais relixiosos. Aínda que sufriu reformas, conserva unha ábsida románica de gran pureza e unha portada do século XII. No muro norte do interior do templo ten un coroamento duns baldaquinos oxivais do s. XV, que pertencían ao adro da igrexa que, segundo estudos, poderían representar as naves de Colón e o escudo dos Reis Católicos.

A Igrexa de Santa María de Caldas de Reis é clave para entender o peso histórico da vila na Idade Media. A igrexa é o escenario da lenda que Alfonso X o Sabio relata na "Cantiga de Santa María 104".

A súa posición no centro neurálxico da vila convirte a Praza das Palmeiras nun dos elementos máis fotografados e de grande afluencia turística.

A súa orixe de finais do século XIX proxectado por Jenaro de la Fuente está ligado ao desenvolvemento urbano da época e sendo construída a igrexa de Santo Tomás Becket (neogótica, 1884) con pedras da antiga torre medieval da raíña Dona Urraca.

Ponte Romana de A Baxe, do século I, de un só arco, en Segade, a dous kilometros de Caldas, polo que pasaba a vía interior que ía dende Tui a Caldas. Os restos desta vía son perfectamente visibles na calzada que vai ao lugar.

A Ponte Segade foi profundamente remodelada, no ano 1729, polo párroco do lugar.

É o símbolo do Camiño Portugués ao seu paso pola vila. Construída na época romana e reformada no século XVI, esta ponte sobre o río Bermaña é un punto de paso obrigatorio para miles de peregrinos, mantendo vivo o relato de Caldas como encrucillada de camiños e como vila histórica.

A Ponte Bermaña, de orixe romana, está formada por tres arcos de medio punto e tallamares de forma angular.

Un espectáculo natural do río Umia. O interese reside no contraste entre a paisaxe indómita da fervenza e as ruínas da antiga central hidroeléctrica (a Fábrica da Luz), que conta a historia da industrialización temperá da zona.

Atópase en Segade e pódese acceder camiñando dende o Xardín Botánico e a Carballeira.